Dy vjet pas shkarkimit të Agim Ismailit, Drejtoria e Burgjeve iu është rikthyer skandaleve dhe aferave me fondet e përcaktuara për të burgosurit. Pasuesi i tij, Admir Abrija, që gëzon mbështetjen e ministrit të Drejtësisë, Ulsi Manja, u është futur me kokë tenderëve. Së fundi Drejtori i Burgjeve, Admir Abrija, ka zhvilluar një tender me vlerë 613 milionë lekë për të blerë reçel dhe erëza për burgjet. Ky tender sigurisht ka marrë dhe konfirmimin e Manjës, i cili me sa duket nuk i ka parë shkeljet që janë bërë.
Konkretisht, bëhet fjalë për tenderin me objekt “Blerje artikuj ushqime bazë thjerrëza, erëza dhe reçel”, të zhvilluar me datë 7 mars të këtij viti. Denoncuesi është Operatori ekonomik “Nelsa” SHPK. Ndërsa fituesi i tenderit është Operatori ekonomik “Teuta Durrës shpk”.
Ankimuesi shprehet se firma fituese ka shumë mangësi në dokumentacion, por sërish është shpallur fituese. Ndërsa komisioni i prokurimit pretendon se operatori Nelsa SHPK nuk ka dorëzuar deklaratat që tregojnë gjendjen financiare, pagesën e detyrimeve, si dhe deklaratën për punë të mëparshme të ngjashme.
Ndërkohë, në denoncimin e bërë ngrihen dyshime se fituesi ka konflikte interesi, por që edhe në këtë rast nuk është bërë asnjë deklaratë që mund të vërtetojë të kundërtën. Pavarësisht këtyre mungesave të theksuar dokumentacioni, Admir Abrija shpalli fituese “Teuta Durrës shpk”. Kështu 613 milionë lekë u zhdukën në shkelje të ligjit për reçel dhe erëza.
Tenderi është denoncuar në KPP me datë 7 prill 2023 dhe KPP nuk ka marrë ende një vendim. Nuk janë të pakta rastet kur komisioni përpiqet të fsheh shkeljet dhe të mbulojë abuzimet e zyrtarëve. Madje edhe Drejtoria e Burgjeve është toleruar shumë herë nga KPP, megjithëse është një institucionet që shpërdoron në masë fondet për ushqimin e të burgosurve.
200 mijë euro fruta dhe perime
Sa për ilustrim të abuzimeve mund të sjellim faktin se në shkurt 2023, Abrija kishte zhvilluar një tjetër tender me objekt “Blerje fruta-perime për nevojat emergjente të DPB”. Për këtë tender ishte akorduar fondi me vlerë 200 mijë euro.
Edhe ky tender kishte në listën e ushqimeve reçel, vezë, erëza. Dhe në këtë pikë nuk arrijmë ta kuptojmë pse u zhvillua tenderi më sipër për të blerë sërish reçel?! Vallë vetëm me reçel i ushqejnë të burgosurit në vend?!
Pyetje nga më të ndryshmet lindin në këtë pikë, duke marrë parasysh se në total, në 2 muaj janë dhënë 800 mijë euro për të blerë reçel dhe erëza. Me këto para mund të bliheshin ushqime të tjera bazë për të gjithë vitin për të burgosurit.
Ndërkohë, shtojmë këtu faktin se tenderi është marrë nga “DAJTI PARK 2007” që është në pronësi të Lulzim Qefalisë, vëllait të deputetit socialist Xhemal Qefalia. Kjo na sjellë në mendje se denoncimi i “Nelsa” SHPK qëndron dhe se KPP duhet të bëjë vlerësimin në detaj për çdo dokument të “Teuta shpk”, sepse Abrija i paska bërë rrugë këto lloj prokurimesh që i jep në konflikt interesi.
Lexo edhe: Manja: Opozita e ka zili Portin e Durrësit
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Dy vjet pas shkarkimit të Agim Ismailit, Drejtoria e Burgjeve iu është rikthyer skandaleve dhe aferave me fondet e përcaktuara për të burgosurit. Pasuesi i tij, Admir Abrija, që gëzon mbështetjen e ministrit të Drejtësisë, Ulsi Manja, u është futur me kokë tenderëve. Së fundi Drejtori i Burgjeve, Admir Abrija, ka zhvilluar një tender me vlerë 613 milionë lekë për të blerë reçel dhe erëza për burgjet. Ky tender sigurisht ka marrë dhe konfirmimin e Manjës, i cili me sa duket nuk i ka parë shkeljet që janë bërë.
Konkretisht, bëhet fjalë për tenderin me objekt “Blerje artikuj ushqime bazë thjerrëza, erëza dhe reçel”, të zhvilluar me datë 7 mars të këtij viti. Denoncuesi është Operatori ekonomik “Nelsa” SHPK. Ndërsa fituesi i tenderit është Operatori ekonomik “Teuta Durrës shpk”.
Ankimuesi shprehet se firma fituese ka shumë mangësi në dokumentacion, por sërish është shpallur fituese. Ndërsa komisioni i prokurimit pretendon se operatori Nelsa SHPK nuk ka dorëzuar deklaratat që tregojnë gjendjen financiare, pagesën e detyrimeve, si dhe deklaratën për punë të mëparshme të ngjashme.
Ndërkohë, në denoncimin e bërë ngrihen dyshime se fituesi ka konflikte interesi, por që edhe në këtë rast nuk është bërë asnjë deklaratë që mund të vërtetojë të kundërtën. Pavarësisht këtyre mungesave të theksuar dokumentacioni, Admir Abrija shpalli fituese “Teuta Durrës shpk”. Kështu 613 milionë lekë u zhdukën në shkelje të ligjit për reçel dhe erëza.
Tenderi është denoncuar në KPP me datë 7 prill 2023 dhe KPP nuk ka marrë ende një vendim. Nuk janë të pakta rastet kur komisioni përpiqet të fsheh shkeljet dhe të mbulojë abuzimet e zyrtarëve. Madje edhe Drejtoria e Burgjeve është toleruar shumë herë nga KPP, megjithëse është një institucionet që shpërdoron në masë fondet për ushqimin e të burgosurve.
200 mijë euro fruta dhe perime
Sa për ilustrim të abuzimeve mund të sjellim faktin se në shkurt 2023, Abrija kishte zhvilluar një tjetër tender me objekt “Blerje fruta-perime për nevojat emergjente të DPB”. Për këtë tender ishte akorduar fondi me vlerë 200 mijë euro.
Edhe ky tender kishte në listën e ushqimeve reçel, vezë, erëza. Dhe në këtë pikë nuk arrijmë ta kuptojmë pse u zhvillua tenderi më sipër për të blerë sërish reçel?! Vallë vetëm me reçel i ushqejnë të burgosurit në vend?!
Pyetje nga më të ndryshmet lindin në këtë pikë, duke marrë parasysh se në total, në 2 muaj janë dhënë 800 mijë euro për të blerë reçel dhe erëza. Me këto para mund të bliheshin ushqime të tjera bazë për të gjithë vitin për të burgosurit.
Ndërkohë, shtojmë këtu faktin se tenderi është marrë nga “DAJTI PARK 2007” që është në pronësi të Lulzim Qefalisë, vëllait të deputetit socialist Xhemal Qefalia. Kjo na sjellë në mendje se denoncimi i “Nelsa” SHPK qëndron dhe se KPP duhet të bëjë vlerësimin në detaj për çdo dokument të “Teuta shpk”, sepse Abrija i paska bërë rrugë këto lloj prokurimesh që i jep në konflikt interesi.
Lexo edhe: Manja: Opozita e ka zili Portin e Durrësit
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
