Një ngjarje e rëndë ka ndodhur në maternitetin “Koço Gliozheni” në Tiranë. Një nënë 35-vjeçare dhe foshnja e saj kanë ndërruar jetë.
Viktima është shtetasja Aida Toska nga Paskuqani.
Sipas familjarëve 35-vjeçarja është sorollatur nga mjekët sa në njërin spital në tjetrin, dhe saktësiohst nga qendra spitalore Universitare “Nënë Tereza” te Senatoriumi dhe më pas është dërguar te materniteti Koco Gliozheni.
Nëna shtatzënë është paraqitur me një komplikacion rreth orës 21:00 të mbrëmjes së enjte.
Një i afërm ka deklaruar se janë drejtuar fillimisht në urgjencë, por sipas tyre ajo ishte e mbyllur. Urgjenca është hapur pas 20 minutash dhe vetëm pas 30 minutash ka dhënë ndihmën. “Spitali nuk kishte oksigjen dhe asgjë. Kirurgu është vonuar 2 orë”, tregojnë familjarët.
