Kryeministri Edi Rama ka përshëndetur fitoren e kandidatit socialist në Dibër përmes një statusi të shkurtër, pasi siç thotë ai fjalët e tepërta janë fukarallëk.
Rama falënderon zgjedhësit dibranë për besimin dhe thotë se këtë fitore e lexon si një detyrim ndaj tyre. Ndryshe nga kreu i PD që doli në një deklaratë për mediat pas daljes së rezultatit të votimeve për zgjedhjet për kryebashkiak në Dibër, Rama preferoi t’iu drejtohet qytetarëve përmes facebook-ut.
Kryeministri nuk harron edhe një mesazh për kundërshtarët e tij, ku thotë “qentë le të lehin, karvani do ecë përpara”.
