Kryebashkiakja e LSI-së në Përrenjasin, Miranda Rira, ka kritikuar ashpër Ministren Nikolla për rrënimin e përpjekjeve, siç thotë ajo, të dhjetra e qindrave maturantëve për pranimin në Universitete. Kryebashkiakja ka reagur në një status në faqen e saj zyrtare në Facebook. Ja çfarë shkruan ajo:
“Rrenimi i perpjekjeve te qindra e dhjeterave maturanteve te deshperuar, duhet te kete nje fajtor. Eshte e trishte qe akoma sistemi yne arsimor, ben eksperimente nga nje vit ne tjetrin, duke perdorur mijera maturante si kavie per te kuptuar se cfare duhet e cfare jo.Jane me dhjetra maturante te Bashkise Prrenjas me mesatare mbi 9, qe nuk kane arritur te kapin asnje dege ne Universitetin e Tiranes. Me lejo ta them hapur Lindita Nikolla se je ministrja me e paafte qe njoh. Habitesha edhe me shume nga paaftesia jote kur vije ne komisionin e arsimit gjate kohes qe isha deputete, nga argumentet e dobeta qe jepje, vetem mëk- mëket e tua degjoheshin. Habitesha sesi mund te ishe ministre e arsimit dhe e shkences, kur minimalisht duhet te kishe graden doktor, teksa vendi kishte me qindra profesore te nderuar me tituj. Ke deshtuar njesoj si Pd- ja qe i qelbi universitetet duke i kthyer ato ne kioska qe jepnin diploma. Ke hedhur ne kosh endrrat e maturanteve dhe djersen e qindra prinderve te ndershem”.
