Ministrit të drejtësisë Ylli Manjani paralajmëroi të gjithë ata punonjës të Zyrave të Regjistrimit të Pasurive, të cilët nuk do të përfundojnë trajtimin e dosjeve deri në fund të vitit do të përballen me masa te ashpra displinore.
Manjani: Fundi i vitit, kjo shifër e aplikimeve të patrajtuara sado qoftë ajo, e dua të jetë zero. Pikë! Në qoftë se është një është i ikur nga puna automatikisht.
Manjani forcoi tonet për të gjithë ata punonjës që humbasin dokumentet në zyrat e regjistrimin te pasurive të paluajtshme duke ju kujtuar se do përballen me burgun.
Manjani: Nuk është e vërtetë që dokumentet humbin në zyrat e shtetit dhe kushdo që e dëgjon këtë argument, është i lutur ta denoncojë sepse është automatikisht i kallëzuar për ndjekje penale. Automatikisht! Asnjë tolerancë në këtë pikë, sepse është turpi dhe faqja e zezë kush e dëgjon.
