Kryetari i Partisë Demokratike, Sali Berisha i ftuar në ‘Çim Peka LIVE’ tha se shpallja non grata e tij nga Britania e Madhe ishte një akt i mafias. Sipas kreut të opozitës, nuk ekziston asnjë provë të jashtëligjshme që Anglia të merrte këtë vendim ndaj tij.
“Unë besoj se kam qenë i qartë, e kam shprehur dhe e shpreh, akti ndaj Berishës është një akt i mafias. Kam marrë përgjegjësitë e mia për këtë që kam deklaruar. S’ka asnjë provë dhe asnjë fakt. Ka dy gjëra, po të marrim faktin e partneritetit të ngushtë që ekziston mes Shteteve të Bashkuara dhe Britanisë së Madhe, Britania ka nxjerrë dy gjëra për Sali Berishën. Gjëra që do skuqnin çdo qytetar. Kanë nxjerrë një djalë, Fatjon Dauti, emër të cilin Berisha e ka dëgjuar ditën që hapi derën. Lulzim Basha tha se ishte truprojë e Berishës, s’e kisha dëgjuar kurrë. Pyeta dhe më thanë që ishte nga një familje e persekutuar nga Hasi. Kishte punuar në Angli dhe shteti e kishte përzënë. Por si një njeri quhet i lidhur me krimin për shkak se në një betejë partiake, njëri vjen dhe i vie derës, e s’ka patur asnjë lidhje. Ai është mbështetës i PD-së, këtë e nxorri Times i Londrës dhe ishte korrekte. Kishin kujtuar se kishte funksion të rëndësishëm të PD-së, por ai ndoshta ai s’është fare anëtar në PD. Është thjesht një mbështetës. Ka qenë dhe Damir Fazllic. Nuk ka shkelur kurrë, asnjëherë të vetme në zyrën e Berishës për të kërkuar favore. E vetmja gjë që e lidh atë me Berishën janë mediat e Sorosit, që shkruajnë se Berisha zgjeroi parkun industrial sepse Fazlic bleu tek dhëndrri i tij 14 hektarë tokë. Si është e vërteta? Dhëndrri im është marrë me real estate në momentin që është kthyer dhe ka blerë në atë zonë 14 hektarë tokë, jo direkt vetë, por me ndërmjetës, siç funksionon. Nga këto 14 hektarë, 2 kanë qenë në 100 hektarët e Fatos Nanos. Aty po ndërtone një kompani shqiptare. Tani me një vendim qeverie ne kemi shtuar zonën me 530 hektarë. Dhe toka ishte në një zonë afër bregdetit, mund të përdorej për çdo gjë, por kurrë 500 hektarë nuk shtoheshin për 10 hektarë. Ndërkohë Fazlliç e vazhdoi aktiivtetin e tij dhe me qeverinë e Ramës”, tha Berisha.
