Sot në një lidhje “Skype” për Faxnews ka qenë eksperti i arsimit Ndriçim Mehmeti, për të folur rreth bojkotimit të mësimit në universitete.
Mehmeti tha se qeveria nuk i ka marrë seriozisht pedagogët teksa deklaratën e kryeministrit Edi Rama se shumë pedagogë nuk e meritojnë rrogën, e quajti shumë të rëndë.
Mehmeti: Nuk u morën seriozisht pedagogët në 2018. Situata e termetit dhe pandemia nuk i lanë shumë vend për një reformë që do ishte e kësaj shkalle.
Qeveria nuk i mori seriozisht pedagogët. Kjo është cështje dinjiteti. Shoh shumë njerëz që iu kundërvihen pedagogëve, jo po marrin lekë. Ishte shumë e rëndë deklarata e kryeministrit, që shumë nuk e meritojnë të marrin pagën. Duket qe pedagogët janë shumë të vendosur, më të lidhur me njëri tjetrin.
Opozita të kërkojë ndjesë dhe të qëndrojë në krah të pedagogëve. Së pari për rrogën, kërkimin shkencor, trajtimin financiar. Flasim për pedagog që nuk kalojnë dot muajin, ministria ka pasur mundësi për kërkimin shkencor. Ne po harxhojme pare per dritat e vitit të ri, me ujin.
