Granit Xhaka duket i acaruar me komentet negative në drejtim të tijë nga tifozët shqipëtarë, pasi zgjodhi të vazhdojë të luaj me kombëtaren zviceriane.
Mesfushori i Arsenal thekson se letra e tij në “Instagram” e shpjegon qart pse ai vendosi të luaj për kombëtaren zviceriane dhe se i ka ardhur në majë të hundës me justifikimet që duhet të japë gjatë gjithë kohës.
Në një intervistë për “Appenzeller Zeitung”, Xhaka nuk ka preferuar të japë shpjegime të mëtejshme për zgjedhjen e bërë: “Më ka ardhur në majë të hundës që duhet të justifikohem gjithnjë. Ju nuk mund ta imagjinoni se çfarë presioni më ushtrohet. Letra ime në “Instagram” (Xhaka shkroi pak ditë më parë në shqip ku shpjegonte arsyet përse do të vazhdonte të luante me Kombëtaren e Zvicrës dhe se nuk ishte një tradhtar) e shpjegon qartazi përse unë vendosa që të luaj për kombëtaren zvicerane në të ardhmen. Por kur titujt e gazetave prodhohen me përkthime të shtrembëruara, atëherë unë mendoj se kjo është shumë. Më tepër nuk kam çfarë të them për këtë temë’, theksoi Xhaka.
