Një aksident i rëndë është shënuar mbrëmjen e sotme në Rrugën e Kombit. Burime nga policia bëjnë me dije se ngjarja ndodhi rreth orës 21:20 të kësaj mbrëmjeje, në Fushë-Milot. Të njëjtat burime gjithashtu bëjnë me dije se një shofer i identifikuar me iniciale H.T., ka humbur kontrollin e një makine tip “Ford” dhe është përplasur me trafik ndarësen e rrugës.
Si rezultat i përplasjes, automjetit të 39-vjeçarit i është shkëputur motorri nga shasia dhe ka rënë mbi një mjet tip “Audi”. Nga kjo goditje është lënduar drejtuesja e mjetit “Audi”, me iniciale K.D, e cila është dërguar në spital, bëjnë me dije burimet e policisë.
Ndërsa burime pranë gijotina.com bëjnë me dije se shoferja është transportuar në gjendje të rëndë te Spitali i Traumës.
Grupi hetimor vazhdon veprimet hetimore për zbardhjen e plotë të rrethanave të aksidentit
