Një shpërthim i fuqishëm ka ndodhur në një treg të mbipopulluar në sheshin “Roxas” të qytetit Davao të Filipineve
Mediat lokale bëjnë me dije se të paktën 10 persona kanë humbur jetën, ndërsa 60 të tjerë janë plagosur nga shpërthimi. Sipas CNN shpërthimi mbetet ende i “paspecifikuar”, ndërkohë që presidenti Rodrigo Duterte raportohet të ndodhet pikërisht në atë rajon.
Nga hetimet policia dyshon që ngjarja të ketë ndodhur si pasojë e një pajisjeje të improvizuar shpërthyese, por ende nuk ka asnjë deklaratë zyrtare që evidenton shkaqet e shpërthimit.
