Ka përfunduar këtë të martë edhe mbledhja e Kryesisë së Partisë Socialiste. Ndërkohë në qarqet Shkodër, Vlorë dhe Kukës ka ndryshime të drejtuesve politikë.
Burime bëjnë me dije, në Vlorë ikën Arben Ahmetaj dhe do të jetë Blendi Klosi. Në Kukës ikën Safet Gjici dhe do të jetë Pandeli Majko, ndërsa në Shkodër ikën Edona Bilali dhe do të jetë Elisa Spiropali.
Ndërsa, drejtues politik për qarkun e Shkodrës është zgjedhur Elisa Spiropali kurse në Kukës është vendosur Pandeli Majko.
I pyetur nga gazetarët pas mbledhjes së kryesisë se çfarë ka bërë ish-zëvendëskryeministri Ahmetaj që “është ndëshkuar”, Rama tha se komente për emrat nuk ka. Sipas tij, PS është një skuadër dhe secili nga lojtarët ka pozicionin e vet.
“Nuk flasim për emrat. PS është një skuadër dhe secili lojtar ka pozicionin e vet. Në rast se do të luanin të gjithë në të njëjtin pozicion, atëherë nuk do të ishte më skuadër. Ne jemi në rrugën para fushatës së zgjedhjeve lokale dhe ndryshimet janë normale.”
