Në seancën e sotme në Kuvend është diskutuar dhe mbi tragjedinë e Potamit ku një 7-vjeçare humbi jetën pasi u përplas nga skafi i një punonjësi të policisë.
Kreu i grupit parlamentar të PS-së Taulant Balla u shpreh se revolta për rastin ishte akoma më e madhe vetëm sepse personi që e shkaktoi ishte një punonjës policie, të cilin e konsideroi si një idiot që ishte rikthyer në punë me ryshfet.
Nga ana tjetër, deputetja e PD-së Grida Duma e replikoi duke thënë se qeveria nuk mund t’u shmanget përgjegjësive duke pranuar se kanë gabuar.
“Thatë se të gjithë reaguan përveç familjarëve. Ne bëjmë politikanin por me përgjegjësi, nuk kam bërë asnjë reagim për rastin sepse e di në çfarë niveli të shëmtuar ka arritur prestigji i politikës prej jush. Ju që bëni priftin dhe moralistin, mirë ky ishte idioti që e ktheu prokurori në punë, po mendoni se do shpëtoni duke thënë se jemi shumë të këqinj dhe idiotë dhe kështu pretendoni të ju pranojnë shqiptarët. Shqiptarët nuk janë idiotë e kuptojnë se çfarë po bëni”, tha Duma.
