Në Tiranë i kushtohet një tjetër hapsirë për fëmijët e kryeqytetit bëhet fjalë në zonën e Komunës së Parisit. Bashkia e Tiranës ka nisur zbatimin e projektit i cili do të shërbejë edhe si një shesh pushimi për të moshuarit dhe banorët e zonës. Këto punime i ndoqi nga afër vet kryetari i bashkisë Erjon Veliaj.
Veliaj: Qyteti vërtet ka 1 milion banorë, por 250 mijë nga këta janë fëmijë dhe e gjithë ajo gurgule e këndit të lodrave te Liqeni prodhoi një mundësi fantastike, që jo vetëm të bënim mirë atë kënd lojërash, por të nisnim punën për kënde lojërash në 12 lagje të Tiranës. Komuna e Parisit, njësia 5, është ndoshta qyteti i dytë më i madh në Shqipëri, pas Tiranës për nga popullsia. Ndaj nuk mjafton që kemi investuar kaq shumë në kopshte dhe çerdhe, por duhet që edhe hapësirat rekreative të jenë në të njëjtin nivel. Edhe në këtë rrugë kryesore do të fillojmë me këtë kënd lodrash, i cili do të jetë i gatshëm pas 6 ose 8 javësh.
