Milan ka marrë fitoren e parë këtë sezon në Ligën e Kampioneve.
Kuqezinjtë mposhtën në sfidën e dytë të grupit Dinamon e Zagrebit me rezultatin 3:1.
Pas 45 minutave lojë, ishte Giroud ai që realizoi për Milanin. Ekipi italian u tregua agresiv që në fillimin e pjesës së dytë.
Milan arriti të realizojë edhe golin e dytë me anë të Saelemakers, në minutën e 47 të takimit.
Orsiç shënoi për kroatët, por ishte gol i pamjaftuëshëm. Ishte Pobega ai që shënoi golin e tretë për Milan, duke mbyllur përfundimisht llogaritë e kësaj sfide.
Pas dy ndeshjeve të realizuara, Milan është në vendin e parë në grup me 4 pikë, ndërsa nuk është përballur ende me Chelsean.
