Policia greke ka kapur dy shqiptarë në kufirin ndërmjet Shqipërisë dhe Greqisë.
Një 34-vjeçar është kapur në Follorinë, pasi rezulton se është dënuar nga gjykata helene me 18 vjet burg.
I riu po ashtu ka marrë edhe një dënim shtesë prej 1 mijë euro për akuzat e grabitjes, vjedhjes dhe armëmbajtjes pa leje.
Ndërsa një shqiptar 35-vjeçar është ndaluar po në Follorinë, pasi rezulton i dënuar nga Gjykata e Kilkis me 18 muaj burg dhe 3 mijë euro gjobë për plagosje dhe shkelje të ligjit mbi emigrantët.
