Abuzimi seksual ndaj 11-vjeçares nga pesë burra në Prishtinë ka qenë tema qendrore e mediave ditët e fundit. Rasti i rëndë ka ngjallur ndërgjegjësim dhe reagim masiv në Shqipëri dhe Kosovë. Dafina Zeqiri ka qënë një ndër artistët e parë që ka ngritur zërin dhe ka shprehur solidaritetin e saj ndaj kësaj plage të rëndë të shoqërisë.
Artistja dhe ekipi i saj “Moneyz” ishin pjesë e protestës masive që u organizua në Kosovë. Mirëpo Dafi ka mbetur e habitur nga sjellja e organizatorëve të protestës ndaj saj dhe artistëve të tjerë.
Në disa komente në Instagram të bëra nga fansat e këngëtares, e përgëzonin atë për pjesmarrjen e saj dhe ndikimin që ajo ka si artiste. Mirëpo aty ka ardhur dhe reagimi i Dafinës e cila u shpreh se ajo dhe ekipi i saj u ‘diskriminuan’ nga organizatorët duke i mos lënë të dukeshin në protestë.
Sipas asaj organizatat janë për të bashkuar njerëzit për të drejtat e njeriut dhe për rastin e 11-vjeçares. Ajo shtoi se me sjelljen ndaj artistëve ishin habitur dhe njerëzit e tjerë rreth tyre dhe nuk e kuptuan përse u sollën në atë lloj forme me ta.
“Ndërsa “organizatorët” e kësaj organizate që ne e suportuam dhe u munduam t’i ndihmonim që ta mbledhin sa më shumë njerëz në protestë për të drejtat e femrave, na diskriminuan në protestë duke na bërtitur që nuk kemi të drejtë të shihemi në protestë! S’kemi të drejtë të afrohemi dhe duke na bllokuar me njerëzit e tyre.
Një organizatë serioze është për të gjithë popullin për të na bashkuar për të luftuar për të drejtat tona, për të drejtat e njeriut! Për të drejtat e asaj vajze! Për atë arsye jemi mbledhur të gjithë! Ishin plot vajza afër nesh që nuk e kuptuan përse po bënin një sjellje të tillë ndaj nesh. Na bëhet qejfi që pamë shumë njerëz në këtë protestë! Protestat janë për të na bashkuar dhe jo për të na ndarë!”
Rikujtojmë se përveç Dafinës, ka ngritur zërin dhe Mozzik. Dy artistët kanë përdorur platformat e tye për të dënuar dhunën seksuale dhe duke bërë thirrje që ajo të dënohet duke inkurajuar vajzat dhe gratë të raportojnë. Mirëpo, ata kanë hasur në kritika të shumta nga ndjekësit e tyre që i kanë akuzuar për standarde të dyfishta.
Komente të shumta në mediat sociale pretendojnë se ata kanë heshtur për rastet e diskutuara të përdhunimit nga Gjiko dhe Butrinti Imeri dhe tani “po kërkojnë vëmendje mediatike” sipas tyre. Mozzik nga ana tjetër, shprehet se ndaj kolegëve të tij nuk ka asnjë vendim nga drejtësia dhe si rrjedhojë asgjë nuk është e provuar.
