Anëtar i Komisionit të Përkohshëm në PL, Besnik Jakaj, ka folur për situatën në të cilën ndodhet vendi ynë sot. Ai tha gjatë një interviste televizive se Shqipëria ndodhet në një situatë dramatike. Jakaj u shpreh se ka ardhur koha të organizohet i gjithë populli opozitar për të frenuar ‘rrokullisjen’ e shtetit dhe që kryeministri Rama të largohet nga pushteti. Sipas tij, Partia e Lirisë dhe PD do të ndihmojnë popullin të ringrihen dhe të kërkojnë të drejtat e tyre, që Rama po ua shkel dhe vjedh çdo ditë.
“Nuk është vetëm PD dhe PL por gjithë populli opozitar që duhet të organizohet për shkak të situatës politike, ekonomike, sociale. Më e rënda është shkelja hapur e ligjit, abuzimi me demokracinë që ka bërë qeveria më shumë se asnjëherë në histori.
LSI ndryshoi emrin, për një forcë të re politike, është frymë e re. Jemi në një situatë dramatike sepse nuk ka ndodhur që opozita të mos jetë e përfaqësuar në bashki, Rama bëri zgjedhje të njëanshme duke e përjashtuar opozitën. Thelbi në demokraci, e drejta e vendosjes është e sovranit, sot qeveria shkel ligjin me miliarda euro në mënyrë të hapur sepse gjenden disa shërbëtorë dhe bëhen ministra e drejtorë.
Alternativë politike është partia e Lirisë, është në proces organizimi. Politika është kontribut për të organizuar më mirë jetën shoqërore, dhe kur ke një program të qartë për ndryshimin e vendit, frenon këtë rrokullisje të shtetit. Nëse krahasojmë qeverinë 2013-2017 ka qenë më e përgjegjshme se sot, Rama me rilindjen e tij tani kanë shkaktuar rrënim të sistemit arsimor, shëndetësisë, bujqësisë dhe eksode masive”, u shpreh ai. Duke theksuar se nga shtatori puna e opozitës do të jetë intensive.
