Dy burra që janë filmuar duke bërë sërf në Kanalin e Madh në Venecia kanë zemëruar kryebashkiakun e qytetit dhe janë dënuar me 1500 euro gjobë secili. Luigi Brugnaro postoi një video dhe përshkroi turistët ‘budallenj’. Madje ai i ofroi darkë kujtdo që i identifikonte.
Videoja tregoi dy burrat duke hipur në atë që duket të jetë efoil, dërrasa të motorizuara me helikë elektrike. Ndërsa dërrasat marrin shpejtësinë, ato ngrihen nga uji në hidrofoila të vogla. Brugnaro, 60 vjeç, shkroi: “Shikoni këta dy budallenj arrogantë që po bëjnë budallallëqe me qytetin – i kërkoj të gjithëve të na ndihmojnë t’i gjejmë ata që të mund t’i ndëshkojnë.”.
Nxitja mund të ketë funksionuar. Ai më vonë postoi në Twitter një tjetër mesazh duke shkruar se; “Ne i kemi identifikuar dy ‘heronjtë’ që nga mëngjesi!”.
Tashmë pajisjet me të cilat bënë serb dy turistët, me vlerë gjithsej 25,000 euro, u sekuestruan dhe secili prej sërfistëve, të cilët u përshkruan si jo italianë, u gjobitën dhe tani mund të paditen për dëmtim të imazhit të Venecias. Ndërsa turizmi po rimëkëmbet pas kufizimeve të pandemisë, zyrtarët e Venecias po vendosin edhe një herë gjoba të konsiderueshme ndërsa përpiqen të imponojnë rregulla dhe të ndalojnë sjelljen e keqe të vizitorëve.
Në maj, Brugnaro u hodh me motor në Kanalin e Madh për t’u përballur me një notar. Policia më vonë i vendosi burrit një gjobë prej 400 eurosh. Në qershor, katër turistë gjermanë u gjobitën me një total prej 4,200 eurosh pasi shijuan një piknik në një pus 300-vjeçar në një shesh të vogël pranë Campo San Zaçaria.
Ecco due imbecilli prepotenti che si fanno beffa della Città… chiedo a tutti di aiutarci a individuarli per punirli anche se le nostre armi sono davvero spuntate… servono urgentemente più poteri ai Sindaci in tema di sicurezza pubblica!
A chi li individua offro una cena! pic.twitter.com/DV2ONO3hUs— Luigi Brugnaro (@LuigiBrugnaro) August 17, 2022
