Disa zona janë përfshirë ditën e sotme nga reshje shiu, duke shkaktuar edhe aksidentet e para në disa akse problematike rrugore. Burime bëjnë me dije se dy aksidente kanë ndodhur në Qafë-Thanë brenda pak minutave.
Shkak i dy përplasjeve ka qenë lagështia në rrugë dhe fatmirësisht dëmet kanë qenë vetëm materiale. Ndërkohë, një tjetër aksident ka ndodhur në Përrenjas, ku fugoni është përplasur me një mjet tip “Fiat”.
Si pasojë kanë mbetur të plagosur dy persona, ndërsa njëri prej tyre ka mbetur në makinë, në pritje të një ndërhyrjeje të specializuar për t’u nxjerrë nga aty.
Policia pritet të japë detaje pas hetimeve në vendin e ngjarjes.
