Ekspertët e Drejtorisë së Bujqësisë thonë se i gjithë qarku i Kukësit vazhdon që të ketë një situatë të rënduar nga sëmundja e gjedhit.Ky Qark është i prekur nga sëmundja e dermatozës nodulare, ndërsa shumë fshatra kanë mbetur pa vaksinuar. Shërbimi veterinar kërkon edhe 15 mijë doza të tjera vaksine për të përfunduar të gjithë qarkun.
Osman Elezi: Situata nuk është aspak e mirë, nuk mund të flitet më për fshatra të veçanta. I gjithë qarku i Kukësit është përfshirë nga kjo sëmundje, e cila po shkakton shumë shqetësime duke qenë se tani është në kulmin e saj, në dëmtimin e bagëtive dhe rënien e prodhimit të këtyre kafshëve. Është e vërtetë se ne kemi bërë vetëm 20 mijë vaksina, do të na duhen detyrimisht edhe 15 mijë të tjera për të mbyllur problemin e lopëve dhe viçave. Por këto premtojnë se brenda dy-tre ditëve do të vinë dhe vaksinat e tjera me të cilat do të ndërhyjmë dhe do të stabilizojmë gjendjen. Lëvizjen e bagëtive, por vetëm të bagëtive të imëta drejt thertoreve, vetëm drejt thertoreve.
Drejtori i Përgjithshëm i Shërbimet Veterinar, Edi Ferro, bëri të ditur se ende është në fuqi moratoriumi për bllokimin e tregjeve të shitjes së bagëtive.
Edi Ferro: Tregjet e kafshëve të gjalla do të vazhdojnë në mënyrë strikte të jenë të ndaluara. Viça dhe gjedhë do të vazhdojnë të jenë të ndaluara, sepse herë pas here ka konfuzion midis të thënave mediative, keqinterpretimeve. Zyrtarisht është konstatuar se nga sëmundja e gjedhit në Kukës janë groposur mbi 30 krerë bagëti të trasha.
