Një person i armatosur hyri në degën e Bankës Federale në Bejrut, kryeqyteti i Libanit, dhe ka marrë peng punonjësit dhe klientët e degës. Me një bidon benzinë me vete, ai kërcënoi se do t’i vërë flakën ambienteve të bankës.
Ngjarja nuk është një pengmarrje e zakonshme. Burri kërkon që t’i jepen paratë e tij, rreth 210 000 dollarë amerikanë të depozituara në llogarinë e tij. Ai nuk ka më akses në këtë të fundit që nga viti 2019. Për shkak të një krize në sistemin financiar, qeveria ka ngrirë shumicën e llogarive në valutë. Në pamjet e publikuara nga mediat vendase shfaqen dy nga policët mes atyre që u mblodhën jashtë ndërtesës duke u përpjekur ta bindin atë të linte armën dhe të lironte pengjet.
Por burri bërtet: “Më ktheni paratë”. Deri më tani është liruar vetëm një i moshuar. Ndërkohë, në portat e bankës, në rrugën qendrore Via Hamra, një turmë u mblodh për të shprehur solidaritetin me rrëmbyesin. Midis tyre ishte vëllai i burrit i cili i tha TV lokale: “Babai ynë po vdes në spital dhe ne nuk dimë se si të paguajmë për trajtimin e tij”.
