Ilir Meta, i cili i dorëzoi dje zyrtarisht detyrën Bajram Begajt si duket është gati për rrugëtimin e tij të ri në arenën politikë. Ish-presidenti ka publikuar mëngjesin e hënës një foto në të cilën pozon bashkë me diplomatin Agim Nesho dhe Tedi Blushin.
Meta bën të ditur se me Neshon dhe Blushin kujtuan “2 Marsin” ndërsa shton se tashmë është koha për veprim.
Kujtojmë se Lëvizja Socialiste Për Integrim mban sot në orën 19.00, në Pallatin e Kongreseve, Konventën Kombëtare, ku më herët Meta ka paralajmëruar e sotmja do të jetë një rikthim i ri për të. Ndërkohë, që Meta drejtonte Presidencën, LSI-në ia besoi bashkëshortes, Monika Kryemadhit, e cila refuzoi që në fillim që të ushtronte funksionin e Zonjës së Parë.
