Deputeti i partisë socialiste Petro Koçi ka komentuar sot një çështje mjaftë të rëndësishme, e cila gjithashtu i sjellë në përplasje me Partinë Demokratike. Gjatë një interviste televizive ai tha se projektrezoluta që dënon raportin e Dick Marty është një çështje e rëndësishme kombëtare, sepse ka lidhje me njollosjen që është përpjekur për ti bërë luftës çlirimtare të Kosovës, UÇK dhe të popullit të Kosovës.
Teksa risolli në vëmendje debatet e bëra mes përfaqësuesve të PD dhe PS në seancën e sotme plenare Koçi tha se PD janë përpjekur të ngrenë disa çështje që janë shumë të vjetra. “Projektrezoluta që është propozuar është një çështje e rëndësishme kombëtare sepse ka lidhje me njollosjen që është përpjekur për ti bërë luftës çlirimtare të Kosovës, UÇK dhe të popullit të Kosovës. Nuk ishte vendi për të bërë debate të tjera lidhur me projektrezoluta apo debate të tjera që janë hedhur në treg deputet apo dhe nga grupi parlamentar I Partisë Demokratike. Projektrezoluta e propozuar nuk ka lidhje me projektrezolutat që ka hedhur në treg PD. Ata janë përpjekur të ngrenë disa çështje që janë shumë të vjetra. Kurse kjo që ne kemi propozuar lidhet me aktualitetin sepse udhëheqësit e UÇK-së janë në Hagë dhe janë duke u përballur me akuzat e Prokurorit Special. Jemi në linja të ndryshme”, u shpreh ai. Kujtojmë se, përfaqësues të PD kërkojnë që të njihet gjenocidi serb në Kosovë.
