Guvernatori i BSH: Nuk ndryshon norma bazë e interesit, 1.75%
Banka e Shqipërisë ka vendosur të ruajë të njëtën normë bazë të interesit, duke e mbajtur në vlerën 1.75%. Guvernatori Sejko në një komunikim me mediat ka vlerësuar se ekonomia dhe punësimi po zhvillohen poshtë potencialeve që ka vendi. Sipas tij për të patur rritjen e dëshiruar në ekonomi është e nevojshme që të thellohen reformat strukturore.
Duke njoftuar këtë vendim të Këshillit Mbikqyrës të bankës ka dhënë argumentin se stimujt monetarë janë të mjaftueshëm për të nxitur rritjen ekonomike. Ndërkohë problemet ekonomike të vitit që lamë pas Sejko i sheh të ndërvarura me zhvillimet rajonale e më gjerë.
Duke shpresuar për ritme progresive rritëse të ekonomisë në vitin 2016 guvernatori theksin e ka vënë tek vijimi i reformave strukturore.
Sejko tha se politikat e ndërmarra nga Banka qendrore janë në funksion të nxitjes së aktivitetit ekonomik dhe se zhvillimet e tanishme tregojnë për një rritje të mëtejshme të ekonomisë në vitin 2016.
