Ministria e Mbrojtjes ka dalë me një njoftim zyrtar për situatën e zjarreve në vend ku tregon cilat janë bashkitë më problematike.
Sipas zv.ministres së Mbrojtjes, Dallëndyshe Bici, zjarret janë shuar duke normalizuar situatën teksa thotë se Bashkitë më të prekura kanë qenë Durrësi, Lezha dhe Vlora.
Dallëndyshe Bici: Janë shuar dy vatra në qarkun e Vlorës. Përsa i përket Qarkut të Durrësit janë shuar dy vatra njëra prej të cilave preku varrezat. Situata në Lezhë është e normalizuar, situata në Balldre, Orosh është e qetë. Në të gjithë vendin janë konstatuar 240 vatra zjarri. Bashkitë më të prekura kanë qenë qenë Durrësi, Lezha, Vlora. Janë angazhuar të gjithë institucionet, i jemi drejtuar për ndihmë dhe mekanizmit europian për emergjencat civile.
