Një tjetër aksident i rëndë është shënuar pasditen e sotme në vend. Burime bëjnë me dije se tre persona mbetën të plagosur në një aksident rrugor në Sarandë.
Ngjarja ka ndodhur rreth orës 18:40, në aksin Sarandë-Muzinë. Shoferi i identifikuar me iniciale Dh. R duke drejtuar automjetin, dyshohet se ka humbur kontrollin dhe automjeti ka dalë nga rruga.
Për pasojë kanë mbetur të dëmtuar drejtuesi dhe 2 pasagjerët e identifikuar me iniciale J. P. dhe S. M, të cilët po transportohen në spital, për ndihmë mjekësore.
Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit.
27.al raporton se bilanci i aksidenteve tragjike vijon të rritet, ndërsa shkak është bërë mosrespektimi i rregullave të qarkullimit rrugor dhe manovrat e shpejtësisë.
