Moti i keq ka përfshirë pasditen e sotme Sarandën dhe si pasojë ka rrëzuar pemët në Vrion duke bllokuar aksin e vjetër Sarandë – Gjirokastër, aks i cili lidh edhe Finiqin dhe Konispolin me Sarandën. Ndërkohë rreth orës 22:50, punonjësit e zjarrfikëses së Bashkisë Finiq hapin rrugën për kalimin e mjeteve.
Gjithashtu kujtojmë se për 10 minuta qyteti është përfshirë nga reshje të shumta shiu, teksa ujërat e zaza kanë dalë në shëtitore. Nga moti i keq është lënduar dhe një person. Gijotina.com raportoi pak më para se shtetasi A. K., rreth 22 vjeç, është plagosur si pasojë e stuhisë.
Mësohet se teksa ndodhej në një fushë futbolli në Urën e Gajdarit mbajtëset e fushës kanë rënë duke e zënë poshtë të riun. Ndërkohë raportohet se janë thyer edhe disa pemë në qytet.
