Policia e Shkodrës ka goditur një rast të kultivimit të bimëve narkotike. Policia bën të ditur se në vendin e quajtur “Pylli i Staneve të Gakut”, në fshatin Gimaj, në një ambient të hapur, në terren të pyllëzuar, janë gjetur të kultivuara bimë të dyshuara narkotike cannabis sativa.
Ndërkaq janë sekuestruar në cilësinë e provës materiale, një armë zjarri automatik dhe municion luftarak.
Në pranga janë vënë E. D., 25 vjeç dhe M. N., 23 vjeç.
Vijon puna për dokumentimin e plotë të kësaj veprimtarie kriminale, si dhe identifikimin e kapjen e personave të tjerë të përfshirë në të.
Materialet iu referuan Prokurorisë pranë Gjykatës së Rrethit Gjyqësor Shkodër, për veprat penale “Kultivimi i bimëve narkotike”, kryer në bashkëpunim dhe “Mbajtja pa leje e armëve dhe i municionit”.
