Dy të mitur kanë përfunduar në spital, si pasojë e një aksidenti rrugor në autostradën Tiranë-Durrës.
Sipas policisë bëhet me dije se dy makinat janë përplasur me njëra-tjetrën.
Ndërkohë, lidhur me ngjarjen mësohet se shoferi i njërës makinë në të cilën ndodheshin dy fëmijët është arrestuar, ndërsa shoferi i mjetit tjetër është proceduar penalisht.
“Specialistët e Qarkullimit Rrugor arrestuan në flagrancë shtetasin A. F., 25 vjeç, banues në Thumanë, dhe proceduan penalisht në gjendje të lirë shtetasin I. Ç., 24 vjeç.
Në autostradën Tiranë-Durrës, shtetasi A. F., duke drejtuar automjetin e tij, është përplasur me automjetin me drejtues shtetasin I. Ç. dhe si pasojë e aksidentit, janë dëmtuar dy pasagjerët e mitur që ndodheshin në automjetin me drejtues shtetasin A. F., të cilët ndodhen në spital, nën kujdesin e mjekëve.”
