Ditën e sotme në një video të bërë publike janë shfaqur disa persona që konfliktoheshin fizikisht me njëri-tjetrin. Lidhur me këtë situatë, specialistët për hetimin e krimeve në stacionin e policisë Farkë kanë referuar materialet në Prokurori dhe ka nisur procedimi penal në gjendje të lirë për tre qytetarë.
Bëhet fjalë për shtetasin me iniciale D. D., 28 vjeç, E. H., 35 vjeç, dhe K. Xh., 35 vjeç, të cilët të tre janë banues në Tiranë. Lidhur me ngjarjen bëhet me dije se janë akuzuar për veprën penale “Dëmtime të tjera me dashje”.
Këta shtetas, pas një konflikti për motive të dobëta, duke qenë në gjendje të dehur, kanë goditur njëri-tjetrin me grushte.
Së fundmi, vijon puna për identifikimin dhe kapjen e personave të tjerë të përfshirë në konflikt.
Materialet i kaluan Prokurorisë, për veprime të mëtejshme procedurale.
