Fundjava sot në Vlorë pasqyrohet me një trafik të rënduar që prej orëve të para të ditës. Zona e rrethit të Skelës e deri në Radhimë është një aks rrugor plot trafik pasi makina të shumta i drejtohen jugut të Shqipërisë. Për të përshkuar aksin rrugor Vlorë-Radhimë duhen të paktën 40 min.
Radhët disa kilometra kanë bërë që policia rrugore të gjendet në pikat kyçe ku trafiku rëndohet më së shumti, me qëllim menaxhimin dhe lehtësimin e trafikut.
Gjithashtu, temperaturat e larta dhe qëndrimi në trafik për orë të tëra bënë që makinat të tejnxehen.
Përfaqësuesi i policisë rrugore bën me dije se ka një fluks të shtuar dhe se zona e Lungomares, zona e Ujit të Ftohtë dhe pjesa e Radhimës paraqet ngarkesë më të madhe.
“Sezoni turistik tani është në kulmin e vetë, ka një fluks të shtuar dhe në ardhje dhe në vajtje në zonat turistike. Në zonën bregdetare kemi marrë masa të shtuara. Zona e Lungomares, zona e Ujit të Ftohtë dhe pjesa e Radhimës paraqet ngarkesë më të madhe. Zona e Himarës është pak më e qetë më e menaxhueshme. Zakonisht të dielave pas orës 19:00 ka fluks më të lartë makinash.”
