Një konflikt i nisur në tragetin e linjës Ankona-Durrës ka degjeneruar në dhunë verbale mes pasagjerëve.
Sipas policisë së Durrësit, një shtetas nga Kosova me banim në Londër ka plagosur me thikë një 28 vjeçar nga Mali i Zi.
Për pasojë, shtetasi i mësipërm ndodhet në Spitalin Ushtarak Tiranë,në gjendje të rëndë shëndetësore.
Gjithashtu janë plagosur lehtë dy shtetas nga Mali i Zi dhe një shtetas Maqedonas.
Gjatë konflkitit kanë marrë dëmtime edhe shtetasi Altin Hakami dhe bashkëshortja e tij shtetësja L. Hakami 35 vjeçe, banuese në Londër, të cilët ndodhen në Spitalin Rajonal, Durrës, jashtë rrezikut për jetën.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale:
”Plagosja e rëndë me dashje”parashikuar në nenin 88 të Kodit Penal në ngarkim të shtetasit Altin Hakami;
”Plagosja e lehtë me dashje” parashikuar në nenin 89 të Kodit Penal në ngarkim të shtetasve Dalibor Jovanoviç, Viktor Krstevski, Dragan Kovaçeviç dhe Dragisa Gogiç.
