Një ngjarje e rëndë ka ndodhur ditën e sotme në qytetin e Fushë Krujës, ku një konflikt i çastit mes dy personave ka përfunduar me plagosje.
Sipas policisë, ngjarja ka ndodhur në lagjen “Punëtori”, në Fushë Krujë ku pas 44-vjeçari me inicialet B. S pas një konflikti të çastit për motive të dobëta, dyshohet se ka plagosur me armë zjarri në këmbë, 62-vjeçarin L. K., banues ne Fushë Krujë, i cili është dërguar në Spitalin e Traumës, Tiranë dhe ndodhet jashtë rrezikut për jetën.
Policia ka rrethuar zonën dhe vijon krehja e saj, për të bërë të mundur kapjen dhe arrestimin e autorit të dyshuar të kësaj ngjarjeje. Grupi hetimor ndodhet në vendngjarje dhe nën drejtimin e Prokurorisë, po vijon punën për sqarimin e plotë të rrethanave të ngjarjes.
