Një 39 vjeçar nga Kavaja u arrestua nga policia për shkak se mbante armë pa leje. Tre armë zjarri, 3 krehëra dhe 80 fishekë i janë sekuestruar shtetasit Ioani Papa.
Armët janë gjetur në automjetin tip Benz drejtuar prej tij, teksa po udhëtonte në Mallakastër.
“Arrestimi i këtij shtetasi u bë pasi në automjetin tip Benz me targë AA 221 IL të drejtuar prej tij, në vendin e quajtur kthesa e Poçemit, Mallakastër, gjatë një kontrolli të ushtuar u gjetën dhe u sekuestruan në cilësinë e provës materiale 2 armë zjarri automatik model 56, armë gjahu çifte prodhim italian dhe 3 krehra me 80 fishekë”, sqaron policia e Fierit në komunikatë.
