Dy persona kanë tentuar të grabisin një minierë në Bulqizë. Bëhet fjalë për Basri Biçin dhe Indrit Vucajn. Mësohet se dyshja janë futur gjatë natës në një prej minierave të Bulqizës duke shpërthyer hyrjen me detonatorë.
Në njoftim bëhet me dije se gjatë kontrollit të ushtruar në banesën e personit të identifikuar me emrin Basri Biçin janë gjetur dhe sekuestruar në cilësinë e provës materiale, dy kapsolla detonatore dhe disa vegla pune, të dyshuara të vjedhura më parë nga ky person.
Vijon puna për lokalizimin dhe kapjen e shtetasit tjetër të shpallur në kërkim. Materialet procedurale i kaluan Prokurorisë pranë Gjykatës së Shkallës së Parë Dibër, për veprat penale “Vjedhja”, mbetur në tentativë, kryer në bashkëpunim, “Mbajtja pa leje dhe prodhimi i armëve, armëve shpërthyese dhe i municionit” dhe “Shkatërrimi i pronës”.
