Detaje të reja janë zbardhur nga aksidenti pasditen e sotme në Vlorë. Ngjarja ka ndodhur rreth orës 17:05, ku polici me iniciale E. Sh., duke patrulluar në sektorin e shërbimit me motomjet, ka aksidentuar këmbësoren J. M., 38 vjeçe, banuese në Vlorë.
Si pasojë e aksidentit është lënduar pasagjeri në motomjet K.M.,(punonjës policie), ndërsa dy të lënduarit ndodhen në spitalin Rajonal Vlorë, nën kujdesin e mjekëve.
Nuk dihen ende shkaqet e aksidentit, ndërsa paraprakisht dyshohet të kenë qenë manovrat e shpejtësisë dhe mosrespektimi i sinjalistikave rrugore.
Policia së fundmi është kthyer në protagonist të ngjarjeve të rënda të shënuara në vend. Ndërsa aksidenti i sotëm në Vlorë, dëshmon punën e kryer nga policia rrugore në patrullim, për shmangien e aksidenteve, ndërsa vetë bëhen shkaktar të këtyre ngjarjeve.
Grupi hetimor ndodhet në vendngjarje dhe po punon për sqarimin e rrethanave të aksidentit.
