Ish-kryeministri Sali Berisha ka dalë në një prononcim për mediat, pas rizgjedhjes në krye të Partisë Demokratike,. Berisha shprehu mirënjohje për votuesit dhe e quajti procesin si mrekullia e vërtetë e shekullit të 21-të.
“U krye. Kam një mirënjohje për ata që me një hark kohor të shkurtër dolën si njerëz të lirë, në një proces që do regjistrohet në historinë e shqiptarëve, si mrekullia e vërtetë e shekullit të 21-të. Ju do jeni të lirë, të zgjidhni udhëheqësit tuaj. Dëshmitarë i pengesave të jashtëzakonshme, por anëtarët e PD-së, njerëz të idealeve më të larta dhe më fisnike, qytetarë të lirë të këtij vendi, bënë historinë në një proces të mrekullueshëm. Mirënjohja shkon drejt të gjithë atyre, kam një mirënjohje të pakufijshme për ata anëtarë që këtë ditë të 22 majit, lanë të gjitha obligimet dhe votuan për të zgjedhur kryetarin e PD-së” – tha Berisha.
Berisha siguroi në këtë garë 40.820 vota, e përkthyer në përqindje, 93.45%. Nga ana tjetër, kandidati Ibsen Elezi mori 2532 vota, e thënë ndryshe 5.8%. Berisha tashmë do të mbajë dhe një konferencë për mediat, ku pritet se do të flasë pikërisht për këtë rezultat.
