Policia e Lezhës ka nxjerrë detajet nga aksidenti i rëndë i shënuar mbrëmjen e sotme në aksin rrugor Shkodër-Lezhë në vendin e quajtur “Dajç”.
20-vjeçarja me iniciale F.B., duke drejtuar automjetin tip “Renault” ka humbur kontrollin e më pas ka dalë nga rruga. Si pasojë ka ndërruar jetë 73-vjeçari I.K. i cili ishte pasagjer në makinë. Gjithashtu janë lënduar edhe 3 pasagjerët e tjerë, shtetasi A.B. 53 vjeç, A.B. 43 vjeç dhe O.B. 19 vjeçe.
Ata janë dërguar me urgjencë në spitalin e Lezhës ku po marrin ndihmën e parë mjekësore.
Grupi hetimor vazhdon veprimet hetimore në vendin e ngjarjes për sqarimin e plotë të rrethanave të aksidentit.
