Tarifa për të gjitha automjetet që do të kalojnë në Rrugën e Kombit do të jetë 5 euro. Ministria e Transporteve sqaroi se tarifa që do të aplikohet vetëm për mjetet e e vogla është 4.16 euro pa përfshirë TVSH. Shifra është llogaritur në bazë të kilomentrave ku një kilometër rrugë do u kushtojë drejtuesve të mjeteve 3.63 cent. Ndërkohë që ende nuk është përcaktuar tarifa që do të paguajnë kamionët dhe autobuzët, një vendim që pritet të merret në shtator.
Arber Hitaj: Tarifa për përdorimin e rrugës do të jetë 4.16 euro pa tvsh pra 3.63 euro cent për kilometër, meqënëse rruga është 114.5 kilimetra e gjatë. Tarifa për rrugën Milot-Morinë është miratuar në Korrik 2014, bazuar mbi rekomandimin e konsulentit “IFC”. Pavarësisht këtij fakti, tarifa e përcaktuar për rrugën Milot Morinë është vetëm 3.7% më e lartë se sa sugjerimi i Egnatia Odos. Ndërkohë Tarifa për përdorimin e rrugës është nën mesataren e rajonit. Kështu tarifa e aplikuar në Greqi varion nga 4.8 deri në 4.97 euro cent për /km, në Kroaci 4.94 euro cent për kilometër, në Maqedoni nga 3.33 deri në 4.47 euro cent për kilometër pa TVSH. Ndërkohë Shqipëria e ka 3,63 euro cent për kilometër.
Ministria e Transporteve ka hedhur poshtë pretendimet e opozitës për nivelin e tarifës duke deklaruar se është nën mesataren e rajonit.
