Pjesëmarrja e Shqipërisë në Eurovizion ishte temë diskutimi për pjesën e dytë të emisionit “Open”. Pjesë e panelit të ftuar, ishin artisti Robert Aliaj, që pati një përplasje me këngëtarin e njohur Ardit Çuni, pjesë e delegacionit shqiptar në Torino, ku u mbajt dhe festivali.
Në këtë përballje Çuni u shpreh se për fitoret në “Festivalin e Këngës” të gjithë janë kontestuar, duke përmendur edhe Rona Nishliun.
“Edhe për Rona Nishliun ashtu thatë. Të shoh vetëm duke komentuar dhe në festival si Kënga Magjike. Të përgëzoj që shan një koncert që ti vetë merr pjesë. Një pjesë e këngëtarëve kanë dalë nga Kënga Magjike.”
Nga ana tjetër, Aliaj tha se kurrë nuk ka kritikuar Nishliun, të cilën e quajti si “diva”, ndërsa shtoi se Shqipëria pati një paraqitje jo të denjë në Eurovizionin që lamë pas.
“Mos flisni si skutha, i lini këto muhabete. Rona Nishliu ishte një diva, se kam sharë asnjëherë. Ka pasur edhe të tjerë. Rona shkëlqeu shumë, mbeti në memorien e shumë vendeve. Në atë finale Rona Nishliu u përmend si imazh. E përmendën edhe spikerat. Më erdhi mirë normal. Nuk është personale situata. Është më shumë tek unë një frustrim që vjen nga një 30-vjeçar tranzicioni. Aty s’bëhet asgjë pa pjesëmarrjen e politikës. Mos të themi që kjo këngë nuk ka qenë e kontestuar kur u shpall fituese. Unë s’do të doja që një festival si Kënga Magjike të merrte këtë. Unë s’të njoh fare. Të flasim me radhë… Unë nuk dua të merrem me njerëz anonim. Ne nuk kemi kulturë debati.”
Së fundmi, Arditi i është kundërpërgjigjur Aliajt duke thënë se kishte përgjegjës të tjerë në këtë delegacion që drejtohej nga RTSH, dhe se ai vetë është kontroll i medias në këtë rast.
“Nuk e di për çfarë e ka fjalën zoti Aliaj. Ka përgjegjës dhe tituj në këtë delegacion.
Delegacioni drejtohet nga RTSH. Unë jam drejtor i medias në rastin konkret. Drejtorët janë pjesë e kontrollit të gjësë.
