Aksidenti te spitali i QSUT, mund të kishte përfunduar tragjikisht ditën e sotme, pasi ashensori ku ndodhej infermierja dhe pacienti kishte defekte të hershme teknike.
Policia bën me dije se dy persona janë vënë në hetim, pas këtij aksidenti të ndodhur sot në QSUT, ku është shkëputur ashensori e për pasojë një paciente dhe një infermiere kanë mbetur të plagosur.
Në hetim për këtë ngjarje janë vënë Ermal Braja, 45 vjeç, banues në Tiranë, me detyrë teknik ashensori dhe Ardian Sulollari 52 vjeç, banues në Tiranë, me detyrë administrator i firmës së ashensorëve.
Pritet që personat në fjalë të japin llogari për veprën penale “Shkelja e rregullave të mbrojtjes në punë”.
