“Ishte nën efektin e drogës”, konstaton policia pasi Ajas Sulejman, autori që aksidentoi sot çiftin dhe foshënjn tre muajshme të rruga e “Kavajës”, u testua.
“Në lidhje me aksidentin e ndodhur në Rrugën e Kavajës, ku një automjet me targa të huaja aksidentoi një çift dhe fëmijën e tyre të vogël, ju informojmë se: Pas kryerjes së testit të drogës, drejtuesi i mjetit, shtetasi A. S., ka rezultuar se drejtonte mjetin nën efektin e lëndëve narkotike”, njofton policia.
Sulejmani u vetëdorëzua në polici, rreth dy orë pas aksidentit.
Ai braktisi mjetin pasi aksidentoi çiftin Vilma dhe Arjan Konomi, dhe foshnjen e tyre 3-muajshme, që po kalonin rrugën mbi vijat e bardha.
Policia pak minuta pas ngjarjes arrestoi të afërmin e Sulejmanit, i cili ishte pasagjer në automjet, ndërsa shpalli në kërkim shoferin, i cili sipas raportimeve është vetëdorëzuar.
Sipas burimeve, autori është Ajas Sulejmani dhe mësohet se ka qenë në kërkim në vitin 2014 nga Britania e Madhe për trafik droge. Ende nuk dihet nëse e ka mbyllur këtë çështje me drejtësinë britanike. Ndërsa kujtojmë se ai lëvizte pa patentë, pasi policia ia kishte hequr 3 javë më parë.
