Ditën e sotme Gjykata e qytetit të Lezhës ka marrë vendimin për Gjovalin Gjetën, i cili është lënë në burg. 28-vjeçari është arrestuar të mërkurën nga policia pasi përplasi me automjetin e tij një 14-vjeçar i cili lëvizte me biçikletë, duke e lënë të plagosur në gjendje të rëndë.
Gjithashtu, lidhur me ngjarjen gjyqtari Artan Hajredinaj e cilësoi të ligjshëm arrestimin në flagrancë të 28-vjeçarit dhe vendosi ndaj tij masën e sigurisë “arrest me burg”, për veprën penale “Shkelja e rregullave të qarkullimit rrugor”.
Së fundmi, kujtojmë se aksidenti ka ndodhur pasditen e së mërkurës në rrugën e fshatit Mylte në Lezhë dhe i mituri është dërguar menjëherë në gjendje të rëndë për jetën në spitalin e traumës në Tiranë.
