Aksidentet e linjave të autobusëve në Tiranë nuk kanë fund. Një tjetër rast është shënuar pasditen e sotme me një prej linjave që janë funksionale në kryeqytet, tek bulevardi ‘Zogu i Parë’.
Bëhet fjalë për autobusin e linjës Selitë-Kristal-Qendër.
Ende nuk dihet nëse ka të lënduar nga aksidenti në fjalë, por udhëtarët janë trembur.
Pak pas aksidentit një karrotrec k a mbërritur në vendin e ngjarjes për të marrë autobusin që ka dalë jashtë funksionit pas përplasjes.
Pak ditë më parë, edhe autobusi i linjës së ‘Qytet Studentit’, është përplasur me stacionin e pasagjerëve.
Fatmirësisht nga përplasja nuk ka pasur persona të lënduar mirëpo mjeti ka pësuar dëmtime të shumta.
Siguria e qytetarëve është e cenuar. Po disa ditë më parë disa imazhe kanë ardhur në redaksinë e Gijotina.com, ku shihet qartë që një autobus i linjës së Porcelanit, transportonte qytetarët me dyert hapur.
Ndërsa enigmë ngelet aksidenti i linjës “Go Green” që vijon të jetë në mes të limit “Lana” në hetim.
