Pas daljes nga shtëpia e “Big Brother Vip”, Donaldi ka pasur një rrugëtim të bukur plot suksese, ku nuk është ndalur në asnjë moment. Ai i është futur botës së muzikës ku ka mbajtur disa koncerte përkrahë vëllait të tij dhe Elgit Dodës.
Ditën e sotme, aktori përmes disa postimeve të bëra në rrjetin e tij social Instagram ka prezantuar ndjekësit me dy gjyshërit e tij, të cilët refuzuan ta takojnë atë kur ishte ende pjesë e shtëpisë më të famshme në Shqipëri.
Përmes postimeve, Donaldi ka treguar se ndodhet me gjyshërit e tij, ku krahas disa fotove shkruan se me ta është gjithmonë fëmijë.
“Me ju jam gjithmonë fëmijë.”
Nga ana tjetër, ai ka postuar edhe disa video për të qeshur ku aktori pyet gjyshërit e tij nëse duhet ta marrë diplomën apo të nisë një shkollë tjetër.
“Atë diplomën ta marr apo ç’e dua? Apo të nis një shkollë tjetër?”
Gjithashtu, në video dëgjohen gjyshërit që i përgjigjen shumë të vendosur dhe serioz.
“Merre more. Ta kishe marrë. Po pse do ta lësh ore, budalla je ti?”
Kujtojmë se, teksa ishte ende brenda shtëpisë së BBV, Donaldi mori një mesazh nga gjyshërit e tij, të cilët nuk shkuan ta takonin në program.
“I dashur nipi jonë Donald, të përshëndesim nga Vlora gjyshërit Bajram dhe Lumturia te duam shumë me ty ndihemi krenarë.”
Pas përfundimit të mesazhit, moderatorja Arbana Osmani e pyeti Donaldit nëse e di se përse nuk erdhën ta takonin, Donaldi i përlotur u shpreh se ndoshta nuk kishin ardhur për shkak të emocioneve mirëpo moderatorja i tregoi se ata kishin një frikë tjetër. “Jo, kishin hallë se mos iu vidhnin shtëpinë”.
