Duke filluar nga data 1 Maj 2022, për të gjitha udhëtimet drejt Shqipërisë, si në rrugë detare, tokësore apo ajrore, nuk kërkohet asnjë dokument specifik në kushtet e Covid-19.
Heqja e kushteve të Covid-19 ka bërë që shumë qytetarë të Kosovës t’i drejtohen Shqipërisë, për të kaluar fundjavën. Disa prej tyre janë shprehur se lehtësimi i masave është një gjë shumë e mirë.
“Ne vijmë nga Peja drejt Tiranës për pushime. E kemi pritur shumë mirë. Këto janë masa të mirë, për të liruar kufirin” – u shpreh një qytetar.
“Pak më lehtë për ne, diçka do bëjnë edhe ata në Kosovë” – u shpreh një qytetar tjetër.
