Ish -deputeti i PD, Aldo Bumçi, ka folur sot në një prononcim për mediat lidhur me rendësin e Kuvendit të PD. Bumçi tha se Kuvendi i sotëm zyrtarizonte rithemelimin e PD dhe tregonte se tashmë partia Demokratike do të ishte në krye të revoltave popullore kundrejt qeverisë. “Ky kuvend është një gur themeli për ringritjen e PD tashmë jo vetëm si frymë apo lëvizje por konkretisht me struktura qendrore, me program. Deri tani kishim vakum sepse ishim duke u marrë me veten tonë. Nga sot e tutje kjo parti me këtë kuvend themelohet plotësisht dhe do t’i paraprijë revoltave popullore. Qytetarët do kenë një zë të rëndësishëm opozitar që do merren me problemet e tyre, jo me veten”, u shpreh ai.
Ndërsa për deputetët që nuk ishin në pranishëm në Kuvendin e sotëm, Bumçi tha se tashmë duhet të zgjidhnin mes dy mundësive, të bëjnë Ramën mbret ose të bashkohen me opozitën. “Demokratët janë këtu, prandaj e theksova numrin 40 mijë anëtarë të vërtetë. Ka vetëm dy zgjidhje, ose ta bëjmë Ramën mbret, ose të mbështesim opozitën. Kjo është opozita shqiptare. Kushdo që është kundër Ramës të vijë dhe të mbështesë opozitën kundër këtij regjimi që po zbraz vendin”, deklaroi ai.
Më tutje Bumçi tha se deputetët janë automatikisht anëtarë të Këshillit Kombëtar, derën e kanë të hapur dhe janë të ftuar t’u bashkohen demokratëve të tjerë
