Është dhëne sot nga gjykata e Pogradecit masa e sigurisë për 5 të arrestuarit që ndihmuan në fshehjen e krimit dy autoret e plagosjes së Johan Muçllarit djalit të pronarit të Hotel Voloreka. Të dënuarit janë Fatjon Bonon, Rudi Shahon, Kristian Kreston, Hekuran Gjonajn dhe Ledion Shkullakun. Ndërsa vijojnë kërkimet për dy autorët e tjerë të ngjarjes, Firdeus Berberin dhe Griseld Maxharin.
Kujtojmë se para dy ditësh një mbeti i plagosur Johan Muçllari, i cili mori një plumb në këmbë gjatë një përleshjeje me Firdeus Berberin dhe Griseld Maxherin. Muçllari ka thënë pasditen e të hënës se ka qenë duke lëvizur me makinën e tij kur është përballur me Firdeus Berberin, me të cilin ka pasur konflikte më herët dhe janë sharë me fjalë. Disa minuta më vonë janë ritakuar dhe janë konfliktuar fizikisht ku sherri degjeneroi në përdorimin e armëve.
22-vjeçari ka identifikuar personat që e sulmuan ishin Firdeus Berberin dhe Griseld Maxheri dhe dëshmia e tij përputhej me pamjet e kamerave të sigurisë. Në bazë të provave, Policia shpalli në kërkim autorët e dyshuar dhe vuri në pranga 5 miqtë e tyre, të cilët rezultojnë të kenë ndihmuar autorët të largohen nga vendi i ngjarjes pasi braktisën makinën e tyre.
