Këngëtarja Katy Perry pati një reagim që po bëhet viral në rrjet ndaj një konkurrenteje në “American Idol” gjatë një sfide kënge. Konkurrentët e “American Idol”, ku ajo është pjesë e jurisë, zhvilluan një konkurs ku secili duhet të këndonte një këngë të caktuar nga gjyqtarët, dhe të gjenin se cili nga ata e ka zgjedhur. Noah Thompson u zgjodh për të kënduar hitin e John Mayer të vitit 2009 “Heartbreak Warfare”. Konkurrenti më pas tha se ishte Katy Perry ajo e cila e kishte zgjedhur këngën për të.
“Unë zgjodha Katy-n,” tha Thompson, duke mos ditur se Mayer dhe Perry kanë pasur një romancë. “Por sinqerisht, nuk e di. Unë zgjodha Katy. Ky ishte supozimi im.”
Duke tundur kokën me mosbesim, Perry u përgjigj me siklet: “Noah … Më duket se ndoshta duhet të më kërkosh në Wikipedia,” Perry më tej bërtiti në mënyrë gazmore, përpara se ngrihej nga karrigia duke u ulur në dysheme me siklet. “Është një këngë e mrekullueshme, ju dolët mirë, por unë nuk mund të flas më”, tha këngëtarja 37-vjeçare.
