Shqipëria krahasuar me vendet e rajonit dhe të Evropës lindore ka sasinë më të lartë të mbetjeve urbane.
Sipas raportit të INSTAT, është rritur sasia vjetore e mbetjeve të gjeneruara për banor në shkallë vendi, përkatësisht 396 kg/banor në vitin 2015 krahasuar me 355 kg/banor në vitin 2014
Sipas shifrave të publikuara nga INSTAT ajo çfarë vihet në dukje është fakti se mbetjet e menaxhuara janë depozituar në landfille dhe vende të tjera të posaçme të miratuara nga organet përkatëse të pushtetit vendor.
Depozitimi i rregullt i mbetjeve ka ardhur në rritje përkatësisht në vitin 2015 u depozituan 68,8 %, në raport me vitin 2014 kur shifra ishte 63,4 %.
Sipas të dhënave të INSTAT, Shqipëria riciklon 25.3% të mbetjeve totale që prodhon. Sipas raporti përgjatë vitit 2015 ky tregues është rritur në krahasim me vitin 2014 që ishte 21.6%
Sipas statistikave të publikuara nga INSTAT rezulton se Mbetjet e ngurta urbane të menaxhuara me fonde publike kanë patur trend në rritje ndër vite, shpjeguar kjo ndër të tjera me sjelljen shoqërore të banorëve si refleksion i ndryshimeve në mënyrën e jetesës së tyre. Kështu në vitin 2015 rezulton të jenë menaxhuar rreth 1,4 milion ton mbetje ndërsa në vitin 2014 rreth 1,2 milionë ton.
